Na rudaí a seasaimid ar a son!
Prionsabail an Pháirtí
Ghlac an Comhaontas Glas leis na seacht bprionsabal seo de chomhaontú, ag am a bhunaithe:
- Ní ceart go ndéanfadh tionchar na sochaí daonna, díobháil éiceolaíoch don timpeallacht.
- Tá caomhnú na n-acmhainní riachtanach do shochaí inbhuanaithe.
- Ba cheart go ndéanfaí gach cinneadh polaitiúil, sóisialta agus eacnamaíoch ag an leibhéal éifeachtach is ísle.
- Ba cheart go mbeadh an tsochaí á stiúradh ag féinspleáchas agus comhoibriú ag gach leibhéal.
- Tá sé de fhreagracht orainn mar fheighlithe an domhain seo, é a chur ar aghaidh dár sliocht i gcaoi shlachtmhar agus shláintiúil.
- Is mó an phráinn a bhaineann le síocháin dhomhanda ná le sainleasanna náisiúnta agus tráchtála.
- Éilíonn bochtaineacht dhá thrian de mhuintir an domhain, go ndéanfaí athdháileadh ar acmhainní an domhain.
Rinneadh léirmhíniú agus forbairt ar na prionsabail seo i mbunreacht leasaithe 1997.
Táimid ar son?
- Níos mó cinntí a bheith déanta ag leibhéal an phobail.
- Rialú Oscailte.
- Bun-ioncam do gach saoránach.
- Fuinneamh in-athnuaite agus Athchúrsáil.
- Cur i bhfeidhm iomlán Chomhaontú Aoine an Chéasta.
- Comharchumainn na n-oibrithe agus gnólachtaí teaghlaigh beaga.
- Béim ar iompar poiblí.
- Gníomhartha díreacha gan foréigean.
Táimid i gcoinne?
- Truailliú an aeir, na farraige agus na talún.
- Bánú na tuaithe agus plódú sna cathracha.
- Smachtú an tionscail ag comhlachtaí náisiúnta agus ilnáisiúnta móra.
- Airm núicléacha agus cumhacht núicléach.
- Amhantraíocht talún agus sealúchais.
- Foréigean stáit agus paraimíleata araon, i dTuaisceart Éireann.
- Dúshaothrú an tríú domhan.
- Dúshaothrú ainmhithe.