Minister Catherine Martin
Gabhann ceartas sóisialta go dlúth trí chroílár ceartais éiceolaíochta – tá braistint chothroime agus mhuintearais chuimsithigh go smior ann. Tagaimis le chéile d’fhonn an teachtaireacht sin a scaipeadh mórthimpeall na hÉirinn
Tá mé ag obair ar phobal a chruthú atá machnamhach ó thaobh an chomhionannais, glas, inbhuanaithe, ionchuimsitheach, idircheangailte agus bríomhar – ionas gur féidir linn pobal slán agus cothrom a fhágáil do na glúnta atá le teacht, ceann a léiríonn an-ómós dár dtimpeallacht agus dár tsochaí.
Throid mé ar son athraithe ar ár gcur chuige maidir le soláthar tithíochta – d’iarr mé ar an Stát samhail de thithíocht inacmhainne ar cíos de réir costais a sholáthar agus cabhrú le húinéirí tí atá ag déileáil le lochtanna; Throid mé ar son an chomhionannais sa scolaíocht tríd an mBacainn Bhaiste a bhaint, agus ar son an phá chomhionainn sa tseirbhís phoiblí; Throid mé ar son chaomhnú ár bhfiadhúlra agus ár n-oidhreachta nádúrtha. Leanfaidh mé i mbun oibre ar shochaí níos cothroime, níos sábháilte agus níos ionchuimsithí, agus ar thír ghlas agus inbhuanaithe a chruthú.
Comhionannas agus éagsúlacht inscne a neartú sa tsochaí i gcoitinne.
Tacú le forbairt earnála turasóireachta atá inbhuanaithe agus iomaíoch ó thaobh an chomhshaoil de.
Gníomhú ar son na haeráide agus réitigh ina leith a bheith chun tosaigh.
Fostaíocht i ngeilleagar glas inbhuanaithe a chruthú.
Cur ar chumas ealaíontóirí a bheith rathúil ina slite beatha.
Comhionannas rochtana agus deiseanna san oideachas.
Infheistíocht i dtithíocht, i sláinte, i bhfolláine agus inár bpobail áitiúla.
Earnáil na meán atá bríomhar agus inbhuanaithe ó thaobh an airgeadais de a chinntiú chun tacú lenár ndaonlathas.
Tacú le pobail Ghaeltachta agus ár dteanga dhúchais a chosaint.
Rannpháirtíocht sa spórt a mhéadú i measc an daonra, go háirithe i measc na mban agus na gcailíní.
Taithí
Is as Carraig Mhachaire Rois, Co. Mhuineacháin ó dhúchas mé. Is TD i ndáilcheantar Ráth an Dúin BÁC mé ó mhí Feabhra 2016, agus is Leascheannaire an Comhaontais Ghlais mé ó 2011. Ceapadh mé mar Aire Turasóireachta, Cultúir, Ealaíon, Gaeltachta, Spóirt agus Meán nuair a bunaíodh an Rialtas i mí an Mheithimh 2020. Bhunaigh mé Cácas Parlaiminte na mBan de chuid an Oireachtais i mí na Samhna 2017 agus toghadh mé mar Chathaoirleach tionscnaimh air don 32ú Téarma Dála.
Is céimí mé ó Ollscoil na hÉireann, Má Nuad agus amhránaí clasaiceach, agus mhúin mé Béarla agus Ceol i bPobalscoil Naomh Tiernan i nDún Droma, Baile Átha Cliath, ar feadh 16 bliana sular toghadh chuig an Dáil mé. Bhí mé i mo Chomhairleoir ar Chomhairle Contae Dhún Laoghaire-Ráth an Dúin ó 2014 go 2016 agus d’fhóin mé ar bhoird Bhord Oiliúna Oideachais Bhaile Átha Cliath agus Dhún Laoghaire, Coláistí Breisoideachais Dhún Droma agus Stigh Lorgan agus Pobalscoil Naomh Tiernan.
